Водич за подобар сон со квалитетен душек

Наутро се будите со чувства на умор и болка и повторно ги препишувате на секојдневниот стрес и недостатокот на сон. Но, понекогаш, ова не се вистинските причини. Понекогаш, проблемот е фактот дека не спиете на квалитетен душек. 

Можеби е време да инвестирате во нов душек. 

Добриот душек е клучот на добриот сон, кој пак влијае на вашето целокупно здравје и благосостојба. Но, ваквиот душек и не е така лесно да се препознае, посебно ако не знаете што всушност барате. 

Затоа, овде ќе ве водиме низ најважните аспекти за избор на совршен душек што ќе ви помогне да се разбудите освежени и подготвени за предизвиците кои ги носи денот. 

 

Зошто е важно да имате квалитетен душек?

Вашиот душек е повеќе од само површина за спиење. Душекот е критичен фактор за квалитетот на вашиот сон. 

Ако сè уште не сте убедени, еве неколку причини зошто мислиме дека е неопходно да инвестирате во квалитетен душек:

 

• Подобар сон: Удобниот душек ви помага да заспиете побрзо и да спиете подолго, намалувајќи ги шансите да се разбудите во текот на ноќта.
• Порамнување на ‘рбетот: Соодветниот душек ги поддржува природните кривини на ‘рбетот, спречувајќи болки во грбот и поттикнувајќи подобро држење.
• Антиалергични својства: Квалитетните душеци се најчесто хипоалергични, што значи дека ја намалуваат изложеноста на прашини и други алергени.

 

Што е и зошто ни треба мемори пената?

Мемори пената е вид материјал кој може да се обликува според формата на телото под влијание на топлината и притисокот. Пената полека се враќа во оригиналнат форма кога се отстранува притисокот. 

Мемори пената е честа тема во дискусиите за душеците бидејќи обезбедува одлична поддршка на телото и олеснување на притисокот. Душеците со мемори пена се идеални за оние кои страдаат од болки во зглабовите или претпочитаат душек кој се прилагодува на обликот на телото.

Освен тоа, мемори пената е позната по својата долготрајност и способност да го задржи обликот со години, со што придонесува кон истраен душек. 

Совети за избор на квалитетен душек

За жал, вистинскиот квалитетен душек нема секогаш да ви излезе пред очи. Во некои случаи, потрагата може да биде подолга. 

Но, осврнете се на следниве совети кои ќе ви помогнат и ќе го поедностават процесот:

 

Размислете за положбата на спиење

Вашата положба на спиење ви кажува каков тип на поддршка ви е потребен преку ноќта. Луѓето кои претпочитуваат да спијат странично, најчесто имат потреба од помек душек, додека оние кои преферираат спиење на стомак илу грб, сакат потврд душек.

Ако спиете со партнер, дискутирајте каква тврдина ви одговара и на двајцата и дознајте која положба ви е најудобна за спиење за да знаете каков душек да барате. 

 

Поставете буџет

Во кој салон и да влезете, ќе најдете душеци по секаква цена. Некои од нив, иако квалитетни, не би биле добар избор за вашиот буџет. Но, за да можете да донесете паметна финансиска одлука, важно е да си поставете буџет и да се држите до него. 

Штом го имате буџетот, побарајте ги најдобрите опции во тој опсег без да го занемарите квалитетот и комфорот. Но, имајте предвид да не се ограничувате со премал буџет кој не ви нуди голем избор. Сепак, квалитетниот душек е една од најдобрите одлуки што можете да ги донесете за вашето здравје. 

 

Пробајте различни душеци

Тешко е, а можеби дури и невозможно, да се одлучите за квалитетен душек без да го испробате. 

Имено, иако сега сè се нарачува онлајн, подобро би било да ги посетите салоните во живо и таму да го процените квалитетот на душекот. Претиснете го, седнете и разгледајте го душекот од сите страни пред да се одлучите дека е идеалниот избор за вас. 

Не занемарувајте го овој чекор бидејќи многу често клиентите излегуваат со душек различен од оној за којшто дошле. 

 

Посетете нè во еден од нашите салони во Скопје, Струмица, Велес и Кавадарци. Нашиот тим е секогаш тука да ви помогне во изборот. 

Спијте добро – живејте подобро!