Како да го уредите домот без да го пречекорите буџетот?

Ако сте подготвени да го преуредите домот но немате неограничен буџет, нема потреба да очајувате. Некогаш во животот, подобро е да ги искористите заштедените пари за некој настан, одмор, или подарок за себе или за саканите кои долго време го планирате. Или, со оглед сегашната економија, можеби не сте толку расположени за трошење пари по уредување. 

Сѐ тоа е сосема во ред и не значи дека убавината на вашиот дом ќе страда. Преуредувањето не мора да биде огромна задача која ќе го испразни вашиот новчаник. Имено, има многу начини да го разубавите домот со мал буџет. Останете со нас и пронајдете инспирација од овие неколку идеи!

4 идеи за уредување на домот со мал буџет

Пред да почнете со уредување, поставете го посакуваниот буџет. Бидејќи предметите за домот неретко знаат да нѐ изненадат со цената, важно е да го одредите буџетот и да се потрудите да не го пречекорите. За ова, потребни ви се неколку креативни идеи, како следниве:

Инвестирајте во квалитетен мебел

Кога се соочувате со мал буџет, а големи соништа, лесно е да одберете да го намалите трошокот со тоа што ќе купите поевтин и помалку квалитетен мебел. Но, со ова би си направиле уште поголем долгорочен проблем – мебелот ќе се уништи, штофот ќе се скине, а парите како да се фрлени. 

Затоа, паметно е да инвестирате во висококвалитетен мебел кој нема да треба да го менувате во следните неколку години. Со тоа, ќе заштедите и пари и време, а ќе имате и траен, вреден и функционален мебел. 

Ако немате доволно буџет за да го уредите целиот дом со висококвалитетен мебел, осврнете се кон големите парчиња мебел како тросед, лежај или кревет за спална соба. Разгледајте ги категориите на нашата страница и одберете мебел на кој ќе се радувате со години. 

Додадете мали аксесоари

Кога немате доволно за да го преуредите целиот дом, обрнете внимание на малите елементи. На пример, купете удобна перница од Алмак и украсете ја со интересна навлака со уникатна боја или шара. Поставете ги перничињата на креветот во спалната соба, на фотелја во дневната, или на троседот. 

Во нашиот асортиман може да најдете голем избор на квалитетни перници кои не само што се удобни и функционални, туку и совршени за да го освежите уредувањето на вашиот дом. Перниците се економичен додаток во сечиј дом, па така нема потреба да купувате нешто поголемо за да го привлече вниманието на вашите гости. 

Понекогаш, малите нешта можат да бидат и повредни. 

Обрнете внимание на штофот

Штофот обично не е првата помисла на купувачите кои бараат мебел. Но, ова може да биде голема грешка. Имено, штофот е од големо значење не само за визуелниот аспект на мебелот, туку и за неговата удобност, трајност, и одржување. 

Затоа, кога барате висококвалитетен мебел, барајте и висококвалитетен штоф. Ова ќе го подобри изгледот на мебелот и ќе го прилагоди во околината. Важно е да одберете штоф кој одговара на околната средина, на уредувањето на собата, а и на амбиентот кој сакате да го постигнете. Во Алмак, ќе најдете широк избор на штофови, вклучувајќи pet-friendly, микрофибер, плишани, плетени и букле.  

Вметнете огледала во домот

Ако досега не сте ја откриле магијата на огледалата, време е тоа да го направите сега. Освен што огледалата служат како функционален елемент во вашиот дом, тие се неверојатно корисни кога треба да го разубавите просторот. Главен аспект на употребата на огледала е нивната способност да го отворат и осветлат просторот. 

Вака, и без да купувате нов мебел и скапи елементи ќе го промените изгледот на просторот од корен. Огледалата создаваат илузија на пространос, а тоа е одлично за помали станови и куќи. Освен тоа, огледалата може да бидат дел и од вашето уметничко уредување со тоа што ја рефлектираат светлината токму таму каде што треба. 

Сите овие придобивки може да ги добиете од само 1 предмет. Сѐ што ви треба е малку креативност.