Јул
Дали некогаш сте помислиле што сѐ можат огледалата да променат во вашиот дом?
Огледалата нудат можност да се погледнете пред излегување, но тие исто така го разубавуваат просторот во којшто се наоѓаат. Ова често заборавено парче мебел внесува лускуз во вашата соба, ја зголемува светлината и визуелно го проширува просторот.
Но, сѐ ова е возможно само ако знаете како да ги користите огледалата при уредувањето на домот. За жал, не е доволно само да го закачете првото огледало кое сте го купиле на единствениот празен ѕид.
Прочитајте ги нашите совети за каде и како да ги искористете огледалата за да постигнете ефект за којшто досега само сонувавте!
Како да вметнете огледала во внатрешниот дизајн?
Во некои соби, местото на огледалото лесно се открива. Некаде ваквата декорација изгледа природно, како на пример над каминот или преубавата нова комода во спалната.
Но, често ќе се најдете во ситуација да не знаете кое е најдоброто место, а овде ќе ви помогнат следниве совети:
Ставете огледало наспроти прозорец
Местото на огледалата е клучно секогаш кога го уредувате или реновирате домот. Овој чекор е исклучително важен кога станува збор за мали соби кои не добиваат доволно природна светлина.
Кога поставувате огледало наспроти прозорец, сета природна светлина која влегува од прозорецот се одбива од огледалото. На овој начин, собата станува уште посветла, попријатна и поголема. Воедно, оваа техника придонесува и кон удобна атмосфера, особено ако од другата страна на прозорецот има зеленило.
Користете ги огледалата како уметнички дела
Огледалата не само што се функционални, туку можат да послужат и како прекрасни уметнички дела кои го надополнуваат вашиот дом. Наместо надалеку да ја барате совршената слика, изберете огледало со уникатен дизајн и облик кое ќе привлекува внимание и ќе отскокнува од останатите декорации.
Поставете ги одбраните огледала на место кое ќе ѝ придаде дополнителна естетска вредност на просторијата и ќе служи како фокусна точка во собата.
Инвестирајте во големи огледала
Кога станува збор за декорирање со огледала, секогаш предлагаме да одберете некое поголемо за да го внесете секој зрак светлина преку неговиот одраз. Секако, големината треба да одговара на вашиот буџет, па купете огледало кое ги исполнува двата услови.
Големите огледала создаваат илузија на поголем простор и отвореност, особено во помали и потесни соби. Но, иако може да ги користете во секој дел од домот, големите огледала најчесто се препорачуваат за дневните соби, спалните и трпезариите, каде што оставаат најголем впечаток.
