Kој е најдобриот штоф за вашиот мебел?

Кога барате нова гарнитура, изгледот е најчесто еден од најважните фактори. Но, убавината на мебелот не зависи само од формата, туку и од видот на штоф. 

Изборот на мебел најчесто доаѓа со додатен избор на штоф. Но како би знаеле кој штоф е совршениот избор за вас? Како да се осигурите дека избраниот штоф навистина ќе ви користи?

За да одберете правилно, најпрво треба да се запознаете со различните видови штофови – а ние ќе ви помогнеме токму со тоа.

Кои се најдобрите штофови?

Повеќето купувачи преферираат одредени видови штофови и имаат слични потреби – материјалот да биде лесен за чистење, да биде издржлив и ненападен. Нашиот тим експерти препорачуваат 5 видови штоф кои лесно ќе се вклопат во сечиј начин на живот. 

Плишани 

Плишаниот штоф носи низа предности. Имено, ваквата висококвалитетна ткаенина му дава луксузен и софистициран изглед на вашиот мебел благодарение на меката текстура и елегантен стил. Плишот е пријатен на допир и доволно издржлив за долгорочна употреба. 

Овој материјал е неверојатно лесен за чистење. Сѐ што треба е малку сапун, вода и мека крпа за да ги искорените дамките. Во Алмак можете да најдете два вида плишани штофови – Палермо и Парма, кои доаѓаат во над 40 различни бои. 

Pet-Friendly 

Ако со вас живеат крзнени пријатели, ова мора да го имате предвид кога одбирате штоф. Pet-friendly материјалите се отпорни на оштетувања и лесни за чистење, а со тоа и совршени за домови со кучиња и мачки. Штофовите Bogota, Bronx и Cuba се идеални за вашите мали пријателчиња бидејќи се поотпорни на гризење и гребење. 

Од друга страна, држете се подалеку од штофови со рапава текстура. Ваквиот материјал е магнет за прав и влакна кои потоа можат да предизвикаат алергија. 

Микрофибер 

Уживате да грицкате на троседот додека гледате телевизија? Микрофибер штофовите ви го овозможуваат токму тоа. Овој вид ткаенина е направена од висококвалитетни синтетички материјали, најчесто полиестер. Микрофибер штофовите (како Bogota и Cuba) се издржливи, водоотпорни и меки, што ги ги прави и долготрајни. 

Самата текстура на микрофибер штофовите привлекува помалку прашинки и алергени, правејќи ги совршени за оние склони на алергии.

Плетени

Плетените штофови (како Berlin) се прочуени по цврстината и издржливоста. Добро пропуштаат воздух со што ѝ овозможуваат на кожата да дише. Благодарение на цврстината, плетените штофови можат да издржат долгогодишно користење без да го изгубат квалитетот и визуелната атрактивност. 

Оваа ткаенина дозволува широк спектар на бои и шари и дава голема слобода при комбинирање бидејќи се прилагодува на секаков ентериер. 

Букле

Ако сакате мек и пријатен штоф идеален за долго седење и удобно опуштање, одберете букле од категоријата Difference. Овој материјал е визуелно интересен, но и придонесува кон удобноста и привлечноста на мебелот. Освен тоа, букле е синоним за луксузен дизајн и веќе долгогодишен тренд во внатрешно уредување. 

Сепак, ако имате домашни миленичиња, најдобро е да избегнувате пуфкасти штофови за да ја елиминирате можноста да се налепат влакна. 

Напишете коментар