Мај
Да ги прашавме купувачите пред неколку години да ни кажат што подразбираат под бокспринг лежај, немаше да ги добиеме одговорите кои ги очекуваме.
Но, причината за тоа е фактот дека бокспринг лежаите не беа толку познати на пазарот.
Денес, бокспринг лежаите стануваат сè популарни заради нивниот уникатен спој на удобност и практичност. Но, кои се придобивките од ова парче мебел и зошто би го избрале наместо обичен кревет?
Ќе ви објасниме во овој блог.
3 придобивки од бокспринг лежаите на Алмак
Иако сме убедени дека бокспринг лежаите имаaт многу повеќе од само 3 бенефити, овие се придобивките кои најмногу ги вреднуваат нашите купувачи:
Удобност
Една од примарните придобивки од боксрпинг лежаите на Алмак е неспоредлива удобност. Нашите лежаи ја нудат бараната комбинација од цврста подлога и мек душек, со што добивате идеално место за спиење.
Но, удобноста на лежајот не се должи само на цврстината на неговите компоненти. Имено, душеците на Алмак обезбедуваат амортизација и олеснување на притисокот, се прилагодуваат на вашата позиција и ви овозможуват да се разбудите свежи и наспиени.
Поддршка
Покрај удобноста, бокспринг лежаите нудат одлична поддршка за целото тело. Цврстата подлога обезбедува стабилност и правилно усогласување на ‘рбетот со останатиот дел на делото во текот на спиењето.
Ваквата суштинска поддршка помага во ублажување на точките на притисок и го намалува ризикот од болки во грбот. Без разлика дали спиете странично, на грб или на стомак, бокспринг лежајот ќе ја даде поддршката која му е потребна на вашето тело за здрав и мирен сон и енергично и весело утро.
Простор за складирање
Трета, но не помалку важна придобивка од бокспринг лежаите е нивниот вграден простор за складирање.
Голем дел од нашите лежаи се со простор за складирање – дел со латекс механизам, дел со фиоки. Просторот за складирање ви овозможува доволно место да складирате постелнини, облека или други лични предмети.
Ова иновативно решение помага да се зголеми просторот во вашата спална соба и ја елиминира потребата од гломазни комоди или плакари. Без разлика дали ви недостасува простор во плакарот или едноставно сакате да ја одржувате вашата спална соба уредна и организирана, бокспринг лежајот со простор за складирање е добра опција без да трошите уште повеќе пари.
Заклучок
Бокспринг лежаите нудат мноштво бенефити – од врвен комфор и поддршка, до практични опции за складирање.
Без разлика дали сакате да го зголемите комфорот при спиењето или да го оптимизирате просторот во вашата спална соба, бокспринг лежајот треба да Ви биде првиот избор.
Ако не сте сигурни кој лежај најмногу Ви одговара, посетете нè во некои од нашите салони и испробајте ги сите модели кои Ви го привлекуваат вниманието.
Ве очекуваме!
