3 совети за да изберете бои за дневната соба

Палетата бои кои ќе ја изберете за вашата дневна соба треба да претставува една целина. Но, иако бирањето бои за нова дневна звучи лесно, уште полесно е да се изгубите во море од различни нијанси без да знаете што да правите со нив.
Ако не сакате да ангажирате внатрешен дизајнер за да ги комбинира боите во вашата дневна, може да се научите да го правите тоа сами. Овде, ќе ви дадеме неколку совети за да откриете која палета на бои најмногу ви одговара. 

3 совети за да изберете бои за дневната соба

Во внатрешниот дизајн нема правилно или погрешно. Но, ако во дневната соба одлучите да ги вметнете сите бои што ви се допаѓаат, ќе се соочите со експлозија од нијанси кои се судираат.
За да изберете убава палета на бои која нема да ви здосади брзо, следете ги нашиве совети: 

Одберете главна боја 

Голем број купувачи доаѓаат со една замисла – да ја вклучат својата омилена боја во уредувањето на домот. А среќа, секоја боја може да биде главна во собата ако добро ја искомбинирате. Главната боја може да биде неутрална, како бела, сива или беж, или посилна, како темно сина или зелена.
Откако ќе ја одредите главната боја, балансирајте ја со една или две секундарни нијанси. На пример, ако сакате да имате тиркизна боја во дневната, ќе се одлучите за аголната гарнитура Симон и ќе ја балансирате бојата со бели ѕидови и завеси и клуб масичка со бакарен акцент, како на сликата подолу. 

Главната боја вметнете ја и во други додатоци како уметнички слики или украси.

Внесете акцент

Често се случува купувачите да не сакат да експериментираат со повеќе бои. Но, тоа не значи дека треба дневната соба да ви биде целосно бела и безживотна. Напротив, неутралните бои се идеалната основа за да внесете акцент со силна боја како зелена, циклама или нешто слично. 

 Акцентните бои се оние кои ќе му дадат динамика на просторот без да го преплават со нијанси кои го заморуваат окото. Искористете ги ваквите бои за декоративни елементи како перници, завеси или килими, но и поголеми елементи како фотелји. Изберете бои кои се комплементарни со главната боја, но кои истовремено ќе ја истакнат и збогатат дневната. 

На пример, може да ја уредите цела дневна во различни нијанси на беж и да одберете фотелја како Florela која ќе привлече големо внимание без да го засени просторот. 

 

Следете го ,,правилото на 3”

,,Правилото на 3” е едно од најпознатите принципи во дизајнирањето на ентериери. Според ова правило, вашата палета треба да има само 3 бои: 

• • Главна боја која најмногу влегува во очи и зафаќа 60% од просторот
  • Секундарна воја која привлекува внимание но не со истиот интензитет и зафаќа 30% од просторот 
  • Акцентна боја која ја има најмалку, во околу 10% од просторот

На пример, главната боја во вашата дневна соба е беж и ја има на ѕидовите, подовите и мал дел од мебелот. Секундарна боја е темно зелената која ја користите за поголем мебел како тросед, а акцентната боја е златникава и ја има на мали детали како вазни, рамки за слики и свеќници. 

На крај, најважно е да имате идеја за тоа кои се вашите бои. Дајте ѝ слобода на креативноста и свратете до некој од нашите салони за инспирација. Ве очекуваме!