Јан
Кујната е срцето на секој дом. Затоа, кога ја дизајнирате или реновирате вашата кујна, од исклучителна важност е да размислите како ќе биде најпрактична и најфункционална.
Во кујната секојдневно се одвива магија – готвење нови рецепти и комбинирање прекрасни вкусови. Од таа причина, треба да имате опремен простор што ќе ви го олесни животот. Овде, ќе ги разгледаме најважните 4 елементи кои треба да ги има секоја кујна за да биде целосна и ќе објасниме зошто се неопходни.
Да почнеме!
Кои 4 елементи треба да ги има секоја кујна?
Доволно простор за складирање
При дизајнирањето или реновирањето на кујната, мора да бидете сигурни дека го искористувате секој сантиметар. Секој дел од работната површина е вреден при организација. На пример, може да ги складирате малите елементи на штицата или плочата на прозорецот за да не ви сметат. Или, аголот на работната површина да го направите да биде аголен елемент за повеќе простор.
Ако ви треба нешто помало, може да вметнете кујнски елемент како Тара, што ви овозможува да заштедите простор со тоа што ќе имате организер за зачини и други додатоци. Ваквите мали но значајни елементи несомнено ќе ви се најдат во секојдневниот живот.
Стабилни кујнски елементи
Работната површина зафаќа голем дел од кујната. Ако сакате убав краен резултат, размислете за квалитетот на вашите кујнски елементи.
Работната површина мора да издржи голем товар. Затоа, таа мора да биде стабилна, истрајна и да одговара на уредувањето во вашата кујна. Преку нашето долгогодишно искуство со изработка на мебел, би препорачале работни кујнски елементи направени од дрво, како Рива.
Освен дрвото, гранитот е популарен меѓу купувачите бидејќи е практичен и издржлив. Но, и овде имате повеќе опции, па најдобро би било да разговарате со производителите пред да се одлучите.
Светли бои
Ефектот кој го има темната облека врз човекот, го имаат и темните бои во кујната – ја прават помала и позбиена. Се разбира, ова не значи дека треба да ја обоите кујната само во бело. Напротив, препорачуваме меки, неутрални бои кои ќе ја рефлектираат природната светлина и визуелно ќе го прошират просторот.
За да не изгледа досадно, вметнете и други бои. Но, размислете добро која боја би изгледала убаво во вашата кујна не само сега, туку и во следните неколку години. Обидете се да избегнете јаки бои кои нема да бидат во тренд следната година. Ако ви треба препорака, погледнете ги нашите комплет кујни или посетете ги нашите салони.
Вградени кујнски апарати
За крај, заштедете простор со вградени кујнски апарати или комбинирни кујнски елементи. Ова ја зголемува функционалноста на вашата кујна и го подобрува нејзиниот изглед. Има различни видови комбинирани елементи, како на пример кујнскиот елемент Highline кој има вградена печка и микробранова печка, како и доволно простор за складирање кујнски алатки.
Или, може да имате вградена машина за садови или вграден шпорет во некој кујнски елемент. Има преголем избор, сè што треба е само да одлучите.
