Апр
Мислевте дека миленикот и мебелот може мирно да коегзистираат во вашиот дом? Одлична желба, но вашето милениче веројатно не го дели вашиот светоглед.
А тоа може да предизвика големи проблеми, колку за миленикот, толку и за мебелот.
Доколку имате маче, свесни сте дека може да ви го изгреба мебелот. Убавите нови столови и квалитетниот тросед за кој штедевте одеднаш станаа омиленото место за острење канџи. За нив – фер игра, за вас – пари паднати во вода.
Има ли крај на овие проблеми?
За среќа, да – ако ги прочитате советите!
Како да го спречите мачкиното гребање по софата?
Па, како може да се осигурите дека вашето маче нема повеќе дa ѝ се приближува на вашата нова софа?
Подолу издвоивме неколку корисни совети за да бидете сигурни дека вашиот мебел ќе остане недопрена зона.
Еве неколку начини да го заштитите мебелот од игриво милениче:
Користете pet-friendly штофови
Уште кога го купувате мебелот, добро размислете за штофот кој ќе го одберете. Во Алмак има голем број штофови со посебни карактеристики кои одговараат за различни потреби.
На пример, моделот CASA може да биде идеалното решение бидејќи ги комбинира функционалностите ,,лесно чистење” и ,,pet-friendly”. Овие карактеристики овозможуваат лесно остранување на влакната и го спречуваат навлегувањето на нечистотијата во штофот.
Денес, сѐ повеќе гледаме интерес за овие штофови. Токму затоа и ги вклучивме во нашиот асортиман – да им помогнеме на сопствениците на миленичиња кои најпрво бараат функционалност. Pet-friendly штофовите не се оштетуваат лесно и не ги покажуваат трагите од канџи.
Прснете цитрусен спреј
Интересен детал кој многумина не го знаат е дека миленичињата, посебно мачките, не сакаат цитрусни мириси. На пример, ако оставите лушпи од лимони и портокали на масата, вашето маче ќе ги мирисне и ќе се тргне што подалеку.
Ова сознание може да помогне при кршењето штетни навики како гребање по мебелот. Купете средство за чистење со мирис на лимон и избришете ги површините кои сакате да ги заштите. Ова нема да му наштети на вашето милениче, но ќе го поттикне да се оддалечи од тој агол на собата.
Освен тоа, може да го прашате вашиот ветеринар да ви препорача посебен спреј кој ќе ги одврати мачките од одредени парчиња мебел, особено гарнитури. Како додатен бонус, просторијата секогаш ќе мириса убаво.
Редовно сечете ги канџите
Острите канџи на мачињата не само што може да го оштетат мебелот, туку може и да предизвикаат болни гребнатинки кај малите деца или постарите лица.
Но, наместо да повишувате тон или, уште полошо, да употребувате физичка сила, спречете ги ваквите случувања од почетокот со редовно сечење на канџите на вашето маче. Ова ќе ве заштити вас, вашето семејство, вашиот мебел, а и самото маче.
Имено, мачињата со долги и остри канџи често се заплеткуваат во ткаенини, а тоа може да предизвика повреди и непотребни посети на ветеринар. Затоа, спречи за да не лечиш.
Купете гребалка
Со тоа што ќе го одвратите мачето од гребање по мебелот не значи дека целосно ќе му го избришете инстиктот. За вашето маче да не прави дополнителни штети низ домот и да не настрадаат и другите парчиња мебел, купете му гребалка!
Гребалката им овозможува на мачките да го истегнуваат грбот додека ги острат канџите. Така, си ја задоволуваат вродената потреба без да ве коштат пари. Гребалките на врвот обично имаат ротирачка играчка со која мачето може да си игра секогаѓш кога му е досадно.
Гребалката исто така помага мачката да се ослободи од стресот и вишокот енергија. Ова е особено корисно ако е мрзлива и минува подолго време во затворена средина.
За крај
Ако ги следите овие совети, сонот да имате зачуван мебел и среќно милениче набргу ќе стане јаве.
Во секој случај, мора да бидете трпеливи, навиките не се менуваат преку вечер. Посветете му внимание на вашето маче и обидете се побрзо да ги искорените штетните навики, за ваше а и за негово добро.
