5 начини како визуелно да зголемете мала соба

Малата соба не значи смрт за вашата креативност. Малата соба исто не значи крај на иновативните начини на уредување. 

Напротив, малата соба е поттик да почнете да размислувате за внатрешното уредување на поинаков начин. 

Со малку креативност и неколку едноставни визуелни трикови вашата мала просторија можете да ја претворите во практично, визуелно привлечно и удобно катче. Вистинската комбинација на бои, мебел и светлина може од корен да го промени изгледот на просторот и визуелно да го зголеми.

Ако сакате да го постигнете тоа без да рушите ѕидови, продолжете да читате.

 

5 начини визуелно да ја зголемете малата соба

Не ви треба голем буџет и мноштво екстравагантни идеи за да ја уредите вашата мала соба на начин кој нема да ја задуши уште повеќе. Имено, ако успешно жонглирате со светло, бои и декорации, на вашата соба нема да и треба ништо повеќе од тоа. 

Еве ги нашите 5 практични совети со кои ќе создадетенилузија на поголема соба.

 

Одберете мебел во светли бои

Темниот, гломазен мебел лесно може да ја обземе малата соба, правејќи ја да изгледа уште помала. За да го постигнете спротивниот ефект, одлучете се за мебел во светли, неутрални бои како бела или крем. 

Мебелот во светла боја ја рефлектира природната и вештачката светлина, давајќи илузија на повеќе простор. А ако дополнително се потрудите да ја уредите собата во минималистички стил, ќе бидете сведок на уште поголем визуелен ефект. 

Се разбира, не мора да го менувате целиот мебел во собата. За да избегнете пречекорување на буџетот, одберете едно или две светли парчиња мебел кои ќе се вклопат во вашата соба, како што е двоседот Џулија. Со текот на времето, менувајте ги и останатите парчиња мебел додека не дојдете до простор со којшто сте 100% задоволни.

 

 

 

 

 

 

 

 

 

 

Додадете повеќе светла

Правилното осветлување може да направи значителна разлика во тоа колку просторна може да изгледа малата соба. 

Вградете или поставете извори на светлина низ целиот простор за да не се ослонувате само на една ламба. Ако вашата соба не добива многу природна светло, останува на вас да ја внесете светлината која недостасува на друг начин. Еден од тие начини е да ја осветлете собата со повеќе видови светилки.  

На пример, може да комбинирате плафонски светилки и столни ламби за да ги осветлете темните агли а воедно и да направите таванот да изгледа повисок а просторијата поголема.

 

Искористете ја моќта на огледалата

Огледалата се безвременски трик за зголемување на просторот во секоја соба. А за среќа, огледалата лесно се вклопуваат во секаква соба, вклучувајќи мала и тесна дневна.

Поставете големо огледало на ѕидот или  на спротивната страна од вратата за да создадете илузија на поголем простор и отвореност. Ако е возможно, закачете огледало спроти прозорецот од каде што влегува најмногу природна светлина. Огледалото ќе ги рефлектира сончевите зраци и воедно ќе ќе осветли и темните делови на собата. 

А освен тоа, убавото огледало внесува и елеганција во просторот и може да се прилагоди на секаков вид внатрешно уредување.

 

Внесете природна светлина

Природната светлина е најдобриот пријател на малата соба. Како што веќе напоменавме, ништо не ја отвора просторијата како природната светлина. Без разлика колку силно пече сонцето во вашиот дом, отворете му ги вратите (или прозорците) за да го искористете секој зрак. 

За ова да успее, изберете лесни или проѕирни завеси кои овозможуваат продирање на сончевата светлина, а истовремено обезбедуваат приватност. Добро осветлената просторија изгледа попривлечна, па затоа важно е да го искористете максимумот од сончевите зраци и да заборавете на тешките дебели завеси. 

 

Инвестирајте во мебел со ногарки

Кога просторот не е голем, секој сантиметар е важен, вклучивајќи го и просторот под вашата гарнитуре. Ако изберете мебел со ногарки наместо оној кој е поставен директно на подот, придонесувате кон она чувство на отвореност кое го бараме сите. 

Мебелот со ногарки овозможува слободен тек на воздухот и светлината во просторијата. Овој визуелен трик придонесува кон навидум повеќе слободен простор и ја прави просторијата да изгледа поголема отколку што е. 

Затоа, предлагаме да изберете гарнитури, столици и клуб маси со ногарки за вашата мала соба. 

 

За дополнителна инспирација и помош при уредувањето погледнете ја нашата широка палета на произоди или посетете нè во некој од нашите салони во Струмица, Скопје и Велес или Кавадарци.