Дек
Дојде и крајот на 2023 година. Но, пред да се впуштиме во 2024, корисно би било да погледнеме кои се моменталните трендови во внатрешниот дизајн и што најмногу очекуваме да видиме во годината што следува. Од година во година, трендовите во внатрешниот дизајн се менуваат. Но, постојат и такви кои успеале да победат во трката со времето и да останат во нашите домови со години. Иако сѐ уште не знаеме дали овогодинешните трендови ќе бидат долготрајни, корисно е да ги разгледаме и од нив да го одбереме она што најмногу ни се допаѓа.
Вашиот дом треба да расте со вас, а не да остане статичен. Како што се менува вашиот стил и вкус, така треба да се менува и вашето живеалиште.
Еве како да ги вметнете моменталните трендови во домот:
1. Користете меки и топли материјали
Со доаѓањето на зимата, потрагата по топлина станува приоритетна во сечиј дом. Но, топлината не се достигнува само со греење, туку и со материјалите кои ги користите. За да го вклучите овој тренд во вашиот внатрешен дизајн, може да направите целосна реновација или само да искористите неколку парчиња мебел како што е ТДФ Џулија на Алмак или бокспринг Квартет.
Од друга страна, може да го промените штофот на постоечкиот мебел и да го искористите Difference, кој ја дава таа мекоста и нежноста која ја барате. Ако се одлучите за вакво уредување, внимавајте на боите и бирајте нежни, светли нијанси како крем, сива и бела. Внесете мека светлина од свеќи или столни ламби, постелете го омиленото топло ќебе врз троседот и зимата повеќе воопшто нема да ви смета.
2. Внесете кафеаво
Во 2023 почна кафеавата ренесанса, а овој тренд очекуваме да остане и во 2024. Овој тренд подразбира внесување дизајни со кафеави и сиви нијанси, но тоа не значи само материјали и штофови, туку и дрвен мебел, комоди и висечки елементи. Распространетоста на овој тренд е толку голема што многумина очекуваат дека кафеавата ќе биде бојата што ќе го одбележи ентериерот во 2024.
Ако сакате да го вметнете овој тренд во вашиот дом, можете да го сторите тоа без многу напор и голем буџет, како на пример со нова кафеава клуб маса или преубавата фотелја Мерива. Ако пак имате желба за поголемо преуредување, погледнете кон комодата Патрас и полицата Стела за инспирација. И, се разбира, не заборавајте го огледалото.
3. Метални акценти
Ако овие трендови досега не се ваш стил, третиот можеби ќе биде токму она што ви треба. За крајот на годината, овој тренд ве тера да ја продолжите новогодишната атмосфера и да вметнете златни и сребрени акценти во вашиот дом. Вака, ќе додадете елеганција и софистицираност во вашиот дом која ќе остане “во тренд” и за време на другите годишни времиња.
Ваквите акценти најмногу одговараат во друштво со јаки, силни бои како што се темно црвена, зелена и жолта. Се разбира, ова не значи дека мора да ги вметнете сите бои на виножитото, но убаво е да искористите парчиња мебел во невообичаена нијанса, како што е фотелјата Флорела и троседот Рио, кои без проблем ќе го направат вашиот дом гламурозен.
