Некатегоризирано
4 начини да го освежите домот без нова гарнитура
22
Ное
Ное
Како што наближува зимата, сѐ повеќе се истакнува монотонијата, како надвор, така и во домот. Иако ова е резултат на надворешните температури и сивото небо, на ваквото расположение не му е место во вашето засолниште.
Затоа, многумина од нас се одлучуваат на драстични чекори во борбата против сивилото – целосна реновација на домот. Во некои случаи, овој чекор е навистина потребен. Но, некогаш проблемот може да се реши и со помалку труд и помал буџет.
Ако и вие барате начини да го освежите домот в очи темната зима, а не ви треба нова гарнитура, ќе ви претставиме 4 техники што ќе ви помогнат да го обновите вашиот простор без да купувате големи парчиња мебел.
Да започнеме!
Како да го освежите домот без нова гарнитура? Еве ги нашите омилени чекори за овежување и разубавување на домот:
Преуредете
Понекогаш, најлесниот начин да го освежите домот е да го промените распоредот на мебелот и да пробате нешто ново. На пример, фотелјата која досега стоела во десниот агол на собата, префрлете ја на левиот или преместете ја во друга соба. Ако можете, сменете го местото на вашиот тросед или гарнитура – потпрете ги на соседниот ѕид и погледнете колку се променила собата. Ако не знаете од каде да започнете, прочитајте неколку принципи на дизајн, како на пример фенг шуи, па одлучете дали некоја од нив одговара за вашиот дом.
Ослободете се од нередот
Колку и да ви се допаѓа уредувањето на домот, факт е дека после некое време ќе ви стане монотоно. Тоа е директен резултат на човечката потреба за промена. Но, пред да направите било што друго, средете го нередот во собата. Разгледајте ги сите мали (и поголеми) предмети во собата и одлучете дали придонесуваат кон убавината и удобноста на домот. На пример, ако сѐ уште имате столна ламба стара со години што ретко кога сте ја вклучиле, можеби е време да ја отстранете од собата. Ваквото расчистување може да биде тешко на почетокот, но гледајте на овој процес како преродба – се ослободувате од неважните предмети за да направите место за новите.
Инвестирајте во нешто мало
Ако сепак мислите дека на собата ѝ недостасува новитет, нека тоа биде нешто помало. Запомнете, нова гарнитура или телевизор не е единственото нешто што ќе ја освежи собата. Напротив, може да додадете интересен нов предмет како lazy bag или мала табуретка на место на постара фотелја. Или, може да ја замените клуб масичката со некоја нова што ќе го раскрши изгледот на собата. Освен тоа, размислете и да поставете полици на некој ѕид и да ги украсете со неколку предмети кои ви значат. Вака, собата ќе се освежи, а вие нема да си го истрошите целиот буџет на нови гарнитури кои во моментов не ви се потребни.
Користете додатоци
Кога немате доволно буџет, време или желба да го реновирате целиот дом, осврнете се кон малите додатоци како што се перници со интересни дезени, ќилими, свеќи, завеси итн. Вавките додатоци ќе внесат живот во вашата соба, особено ако се обоени во впечатливи бои и шари. За најдобриот резултат, големите парчиња мебел во собата треба да бидат класични и безвременски, додека пак акцентите и малите додатоци можат да бидат модерни и во чекор со трендовите. И за крај, не ги оставајте додатоците на исто место со месеци. Преместувајте ги често ги и обидете се да најдете нови начини на украсување и користење.
Така, вашиот дом секогаш ќе има што да покаже.
