Како добро да уредите мала спална соба?

За оние кои поседуваат спални со помала квадратура, задачата за уредување на просторот може да биде исклучително комплицирана. Имено, во големи спални соби можете да сместите речиси сѐ – од удобен лежај до плакар со многу простор за складирање. 

Но, како може да го постигнете истиот ефект во помала соба? Ние имаме неколку совети кои брзо ќе го решат проблемот!

5 совети за уредување мала спална соба

Наместо да мечтаете за поголема спална или повеќе простор, обидете се да ја уредите собата со следниве неколку чекори:

Земете лежај со фиоки или на спуштање

Ако најголемиот проблем во вашата спална соба е недостаток на простор за складирање, решението не е да ја натрупaте собата со предмети за кои нема доволно место. Наместо да ја затвoрате собата уште толку, инвестирајте во лежај со вградени фиоки кои ќе ви го дадат потребниот простор за вишокот облека или постелнини. 

Ако ваквата опција не е за вас или немате доволно слободен простор за голем лежај, осврнете се кон лежаи со механизми за пуштање кои можете да ги користiте и како кауч и како кревет за спиење. Со ваквиот избор, флексибилноста ви е на дофат. 

Бидете минималисти

Во случај на недостаток на простор, многу луѓе редат предмети низ собата за да изгледа побогато. Но за жал, го постигаат спротивниот ефект – собата изгледа уште помала и позбиена. За да постигнете илузија на големина во спалната, потребно е да се осврнете кон минималистички стил. 

Имено, одберете некои важни парчиња мебел кои ќе бидат централна точка на собата, декорирајте со предмети кои додаваат убавина и сведете ги украсите на минимум. 

Користете големи огледала 

Во случај да не сте знаеле – употребата на огледала во мали соби придонесува за илузија на големина. Иако вашата соба не е физички поголема, одразот во огледалото ги мами очите и мозокот да ја перцепираат како таква. За најдобар резултат, одберете големо огледало и закачете го на забележително место во собата. 

А ако немате слободен ѕид за целосно огледало, инвестирајте во преубав плакар со вградено огледало на некое од крилата. 

Не запоставајте го вертикалниот простор

Во случај на премал простор во собата, важно е да го оставите подот што е можно попразен. На овој начин, собата ќе изгледа поширока и полесно ќе ,,дише”. Наместо да додавате парчиња мебел за да се зголеми просторот за складирање, искористете ги ѕидовите. 

На пример, може да прицврстите полици или да инвестирате во високи комоди до креветот кои ќе послужат како ормари и ќе внесат стил и функционалност. Со малку кративност, лесно можете да го искористите целиот достапен простор. 

Користете светли бои

Ако имате можност да ја уредувате спалната од корен, обрнете внимание на бојата на ѕидовите. Иако динамичните бои и акцент ѕидовите се во тренд и најмногу привлекуваат внимание, оставете го експериментирањето за друга, поголема соба. Малите спални обојте ги во бела или друга боја која добро одбива светло. 

Бела, крем, пастел сино или розево визуелно можат да ја прошират вашата соба. Од друга страна пак, темните бои ќе направат просторот да изгледа уште помал.  

Ако сакате повеќе идеи за уредувањето на вашата спална соба, посетете некој од нашите салони и дозволете ни да ве советуваме како да го извлечете најдоброто од вашиот простор. 

Сè што ви треба за вашата спална соба ве очекува во салоните на Алмак и онлајн. Дојдете и посетете нè!